Gjykata e Posaçme e Apelit për Korrupsionin dhe Krimin e organizuar ka rrëzuar kërkesën e Jaeld Çelës për lirimin nga burgu.
Ish-zëvendësdrejtori i Policisë se Vlorës kërkonte të lirohej nga qelia, me pretendimin se ka kaluar më shumë se një vit nga vendimi i Apelit.
Çela është duke vuajtur një dënim me 3 vjet e 4 muaj burg për “shpërdorim të detyrës” dhënë nga Shkalla e Parë për Krimet e Rënda, në të njëjtin proces ku akuzohej edhe ish-ministri i Brendshëm, Saimir Tahiri.
Ish-kryepolici i Vlorës u dënua në mungesë nga Shkalla e Parë e Krimeve të Rënda, pasi qëndroi në arrati gjatë hetimit dhe gjykimit. Ai u vetëdorëzua më 16 maj të këtij viti, më shumë se 2 vjet e 6 muaj nga prerja e fletarrestit për të.
