Një koleksionist arti britanik ka kthyer dy engjëj mermeri të shekullit të 17-të në një kishë në Itali pasi mësoi se ata ishin vjedhur.
“Putti” me krahë u mor nga kisha Shën Sebastian në Guardia Sanframondi, në verilindje të Napolit, në Dhjetor 1989.
Koleksionisti i artit i bleu engjëjt nga një dyqan napolitan antik dy dekada më parë, por tani ua ka kthyer autoriteteve italiane.
Efektivët e policisë në Itali thanë se koleksionisti pa emër ishte përpjekur t’i shiste engjëjt në një dyqan në Avignon në Francë para se të transferohej në Portugali. Policia franceze i kishte cilësuar veprat e artit si “potencialisht të vjedhura”. Për këtë arsye engjëjt e mermerit u dorëzuan zyrtarisht në Itali në një ceremoni në Ambasadën Franceze të martën.
Policët italianë thanë se ka të ngjarë të jenë vjedhur pas tërmetit Irpinia të vitit 1980 që shkatërroi zona të mëdha të Italisë jugore. Ata shtuan se koleksionisti nuk ishte në dijeni për origjinën e engjëjve dhe kishte ofruar t’i kthente pa ndonjë luftë ligjore.
Një grup tjetër engjëjsh mermeri të vjedhur në mënyrë të ngjashme u kthyen kohët e fundit në një kishë tjetër në Guardia Sanframondi pasi u vendosën në një dyqan antikash në Milano dhe identifikuan nga pastori i kishës.
