Fifi duket se ka marrë një nur tjetër pas daljes nga ‘Big Brother VIP’.
Ajo ka vendosur t’i përkushtohet sa më shumë vetes duke sjellë disa ndryshime në pamje.
Fillimisht Fifi ka ndryshuar modelin e flokëve, duke i zgjatur dhe duke ndryshuar ngjyrën, por ajo që tërhoqi më shumë vëmendjen është postimi i saj i fundit, ku tregon tatuazhin e ri.
Këngëtarja ka bërë tatuazh në krahun e saj fjalën ‘Filoqyl’.
Ky tatuazh ka lidhje edhe me aktorin Donaldi Veshaj dhe ka qenë vetë Fifi ajo që e zbuloi, pasi kur ka postuar tatuazhin në Instagram Story, këngëtarja i ka bërë tag edhe aktorit Donald Veshaj.
Gjatë qëndrimit brenda katër mureve ajo ishte ndër banoret protagoniste dhe së bashku me Donaldin përveç përplasjeve ka pasur edhe premtime. Një premtim i bërë nga Fifi ka qenë bërja tatuazh e fjalës “Filoqyl”, siç i thërriste Donaldi.
Kujtojmë se Donaldi, pasi Fifit i humbën ndjenjat, i qëndroi shumë afër dhe e këshilloi mos t’i merrte gjërat aq afër zemrës. Fifi më pas vendosi ta linte shtëpinë edhe i tha Donaldit se dëshiron se ai të shkojë në finale për të.
Fifi ka qenë disi e paqëndrueshme në shoqëritë e saj brenda ‘Big Brother VIP’. Ajo fillimisht është parë shumë e afërt me Ilirin, Sabianin dhe Arjolën, por kohët e fundit qëndroi më afër Donaldit.
Këngëtarja e njohur e la shtëpinë, për shkak të problemeve emocionale, për të cilat tha se do i trajtojë.
