Suedia po përforcon praninë e saj ushtarake në ishullin Gotland, që është pjesa më e afërt e vendit me Rusinë.
Kjo vjen pasi bisedimet midis NATO-s, Shteteve të Bashkuara dhe Moskës dështuan javën e kaluar.
Edhe pse Suedia nuk është anëtare e NATO-s, ajo është një aleate e ngushtë e aleancës ushtarake. Gotland ka vendndodhje strategjike në Detin Baltik dhe shtetet baltike të BE-së ndajnë të gjitha një kufi me Rusinë.
Tensionet mes Ukrainës dhe Rusisë po rriten pas dështimit të bisedimeve. Moska tani ka rreth 100 mijë trupa të vendosura pranë kufirit të Ukrainës.
Dhe të enjten dhe të premten Ukraina u godit nga sulme kibernetike që hodhën jashtë linje shumë faqe të internetit qeveritare. Mendohet gjerësisht se Rusia qëndron pas tyre.
Në Lindjen e Largët të Rusisë, forcat vazhdojnë të lëvizin drejt perëndimit, por Moska thotë se nuk ka plane të sulmojë Ukrainën.
Ajo thotë se ka nevojë për garanci nga NATO se ish-shteti sovjetik nuk do të bashkohet kurrë me aleancën. Dhe gjithashtu dëshiron që të gjitha armët dhe forcat e NATO-s të largohen nga Evropa Lindore.
Por NATO ka thënë se Ukraina është një shtet i pavarur dhe nuk varet nga Moska nëse do t’i bashkohet aleancës apo jo.
Ndërkohë, Rusia refuzon të largojë trupat e saj nga kufiri ukrainas, duke thënë se ka të drejtë t’i vendosë ato atje.
