“Big Brother VIP Albania” ndodhet drejt fundit dhe javën tjetër do të kemi një fitues.
Një ndër banorët që është favorit për çmimin e madh është aktori Donald Veshaj, i cili është bërë kryefjala e shumë medieve rozë, për shkak të romancës me Beatrix Ramosaj.
Aktori ka marrë mbështetje të madhe sidomos nga figurat publike, si Mozzik, Blerim Destani, Stresi, Don Xhoni, etj.
Së fundmi listës i është bashkuar edhe futbollisti i njohur Granit Xhaka.
Futbollisti i njohur ka realizuar një video të veçantë në Instastory ku ka veshur një bluzë me emrin e Donaldit.
“Donald, si fillim më li të flas. Suksese në finale jemi me ty, forca!” -thotë ai.
Zyrtarisht finalistë janë aktori Donald Veshaj, balerini Ilir Shaqiri, modelja Beniada Nishani dhe moderatorja Einxhel Shkira.
Kujtojmë që formati i “Big Brother VIP” u rikthye pas katër vitesh dhe për herë të parë pjesë e tij u bën personazhe të njohura.
