Forcat ukrainase kanë rifituar kontrollin në qytetin kyç të vendit, Kharkiv.
Në një postim në Telegram, guvernatori i qytetit Oleh Synyehubov tha: “Kontrolli mbi Kharkiv është plotësisht i yni! Forcat e armatosura, policia dhe forcat e mbrojtjes po punojnë dhe qyteti po pastrohet plotësisht nga armiku”.
Trupat ruse mundën të hynin brenda natës në qytet, i dyti më i madh në Ukrainë.
Pamjet e qarkulluara në mediat sociale treguan përleshje në rrugë midis trupave ukrainase dhe ruse.
Pretendimet për kontroll janë të vështira për t’u verifikuar – por civilët në terren i kanë thënë gjithashtu BBC-së se Kharkiv është kthyer nën kontrollin e Ukrainës dhe se konflikti në rrugë po lehtësohet.
