Koalicioni i Shqiptarëve i Shaip Kamberit ka marrë 0.28% për qind të votave në zgjedhjet parlamentare të mbajtura të dielën në Serbi dhe besohet se ka siguruar një vend në Kuvendin serb.
Alternativa Demokratike Shqiptare, e Shqiprim Arifit nga rezultatet e deritanishme nuk ka mundur të sigurojë dot një mandat deputeti.
Pritshmëritë e partive shqiptare në këto zgjedhje ishte që të siguronin mbi 3 deputetë në Parlamentin e Serbisë.
Me mbi 87 për qind të votave të numëruara, lista e presidentit serb ka fituar 43.4 për qind të tyre, ka bërë të ditur Komisioni Republikan i Zgjedhjeve.
Në vend të dytë ka dalë koalicioni “Të bashkuar për fitoren e Serbisë” me 13.1 për qind të votave dhe në vend të tretë ka dalë Partia Socialiste e Serbisë me 11.7 për qind.
