Shkrimtarja amerikane Nancy Crampton-Brophy, autore e një eseje të quajtur “Si të vrasësh burrin tënd” përfundoi në gjyq për vrasjen e dyshuar të burrit të saj.
Megjithatë gjyqtari i ccështjes tha në seancën e parë të gjyqit që u zhvillua të hënën që kjo ese nuk mund të përfshihet në provat e akuzës.
Sipas aktakuzës, 71-vjeçarja ishte autorja e vrasjes së bashkëshortit të saj, shefit të kuzhinës Daniel Brophy, i cili u qëllua në qershor të 2018-ës për të marrë një prim sigurimi prej 1.4 milionë dollarësh.
Në seancën e parë, zëvendës Prokurori i Rrethit të Oregonit, Shaën Overstreet, argumentoi se gruaja ishte e bindur se kishte “kryer atë që ajo besonte se ishte krimi i përsosur”. Nensi e kishte ndjekur burrin e saj në punë, e qëlloi pas shpine, përpara se të tërhiqte këmbëzën, ndërsa burri u shtri përdhe.
Trupi i Brophy u zbulua nga një koleg brenda një kuzhine të institutit të kuzhinës në Oregon më 2 qershor 2018. Hetuesit nuk gjetën shenja të veçanta të një zënke apo grabitjeje. Brophy kishte me vete telefonin e tij celular, portofolin dhe çelësat e makinës. Vdekja mbeti mister deri në shtator të vitit 2018, kur u arrestua gruaja e tij, e cila është deklaruar gjithmonë e pafajshme.
Menjëherë pas vdekjes së Brophy-t, gruaja ndau lajmin e vdekjes në Facebook: “Për miqtë dhe familjen time në Facebook, kam një lajm të trishtuar për të ndarë. Burri dhe miku im më i mirë, shefi Dan Brophy është vrarë”.
Shkrimtarja është dhe autore e një tjetër libri misterioz me titullin “Burri i gabuar”.
