Mino Raiola është shtruar në spital në gjende të rëndë shëndetësore dhe është duke luftuar për jetën. Agjenti i njohur i futbollit është i sëmurë prej kohësh. Pati bërë një ndërhyrje janarin e kaluar, por javët e fundit gjendja është përkeqësuar. Mediat italiane raportuan në orët e fundit vdekjen e tij, që u përgënjeshtrua nga Alberto Zangrillo, drejtues i njësisë së Anestezisë dhe Kujdesit Intensiv të spitalit San Raffaele ku po mjekohet Raiola. “Jam i indinjuar nga telefonatat e pseudogazetarëve që po spekulojnë mbi jetën e një njeriu që po lufton”.
Ndërkohë në profilin zyrtare të Raiolës është publikuar një mesazh: “Për herë të dytë në 4 muaj më kanë bërë të vdekur, duket se jam i aftë dhe të ringjallem”.
Mino Raiola është agjent i disa prej lojtarëve më të kërkuar në botë, si Erling Haaland, Paul Pogba, Gigio Donnarumma, Zlatan Ibrahimovic, Marco Verratti, Stephan De Vrij, Mathijs De Ligt apo Mario Balotelli.
