Një ngjarje e rëndë është shënuar në qytetin e Durrësit mbrëmjen e kësaj të enjteje.
Sipas informacioneve të policisë, bëhet me dije se një automjet që lëvizte në sens të kundërt nuk i është bindur urdhrit të patrullës së policisë për të ndaluar dhe ka marrë përpara një efektiv policie.
Policia është vënë në ndjekje të automjetit që përplasi policin dhe mundën ta ndalonin atë në rrugicat e lagjeve. Në brez i është gjetur një pistolete.
Efektivi është transportuar në spital jashtë rrezikut për jetën. Nuk dihen ende më shumë rrethana nga ngjarja dhe identiteti i personit që goditi policin me makinë.
