Nuk gjen qetësi piloti grek, Babis Anagnostopoulos, i cili tronditi opinionin vendas kur vrau me gjakftohtësi bashkëshorten e tij 20 vjeçare Caroline Crouch, në vilën e tyre luksoze në rrethinat e Athinës.
Mediat raportojnë se Babis është sulmuar në burgun Koridhalos, ku po vuante dënimin e tij nga një i burgosur gjeorgjian dhe për këtë arsye është transferuar në Malandrino, i cili njihet ndryshe si “Alkatrazi” grek.
Tashmë, ai e ndan qelinë me një vrasës shqiptar të paidentifikuar për mediat dhe për këtë arsye piloti dhe avokati i tij janë të shqetësuar për sigurinë për shkak të “kontratave” për eliminimin e tij që mund të vijnë nga gangsterët e botës së krimit.
Babai i Caroline, David, një ekzekutiv i naftës në pension, i cili u transferua në ishullin grek të Alonissos, tha për Mail Online se “Babis se nuk ndihet mirë në burgun e ri dhe dëshiron të transferohet përsëri në Koridhalos. Ai beson se ka të paktën një kontratë për vdekjen e tij. Besoj se njerëzit me të cilët ai ishte i përfshirë para se të vriste vajzën time janë gjithashtu të prirur që ai të heshtë në rast se përpiqet të bëjë një lloj marrëveshjeje”.
Mediat greke kanë sugjeruar se vrasja e Caroline mund të ketë ndodhur pasi Babis kërkonte t’i mbyllte gojë, pasi ajo mund të ketë zbuluar aktivitetin kriminal të drogës që ai ishte i përfshirë dhe mund ta ketë kërcënuar të shoqin se do ta braktiste dhe do të shkonte në polici.
Babis, pilot helikopteri i trajnuar nga britanikët, u sulmua nga një gjeorgjian në burg i cili ia kishte inatin për shkak se një bashkëkombës u torturua për 4 ditë pas vdekjes së Caroline, pasi u identifikua si i “dyshuar” nga bashkëshorti i saj.
34-vjeçari i tha fillimisht policisë së një bandë “gjeorgjianësh ose shqiptarësh”, kishin shkuar në shtëpinë e tyre për t’i grabitur dhe ishin larguar me para e bizhuteri, se e kishin lidhur atë dhe i kishin vrarë gruan dhe qenin. Por hetuesit zbuluan se e gjithë kjo ishte inskenim dhe Babis u arrestuar 6 javë më pas.
