Vjena është cilësuar si qyteti më i mirë për të jetuar, pas rënies që pati në kohën e pandemisë për shkak të masave anti-Covid.
Kryeqyteti austriak ka mbajtur këtë titull në 2018 dhe 2019 sipas listës së Economist Intelligence Unit, por u pozicionua në vendin e 12 në 2021 për shkak të mbylljes së restoranteve dhe muzeve si pasojë e pandemisë.
”Stabiliteti dhe infrastruktura e mirë janë atraksioni i qytetit, i shoqëruar nga mirëqenia dhe mundësitë e pafundme për kulturë dhe argëtim”, shkruhet në raportin e këtij viti sipas The Independent.
Tani që qyteti është plotësisht i hapur, është rikthyer në vendin e parë duke lënë pas fituesin e vitit të kaluar, Auckland. Qyteti i Zelandës së Re ra nga vendi i parë në të 34, në raportin e 2022, për shkak të masave anti-Covid.
10 vendet e para në listë ishin kryesisht vendet europiane. Kanadaja bënte pjesë gjithashtu me 3 destinacione si Calgary, Vankuver dhe Toronto. Vendi më i mirë për të jetuar në Britani ishte Mançester i pozicionuar i 28 dhe Londra në vendin e 33.
Ngjarjet e bujshme në arenën botërore përveç pandemisë kanë ndikuar gjithashtu në këtë listë, sidomos për Moskën dhe Shën Petersburgun, të cilat si pasojë e pushtimit rus në Ukrainë kanë rënë me 15 dhe 13 pozicione.
10 vendet e para
Vjena, Austri
Kopenhagën, Danimarkë
Zyrih, Zvicër; Calgary, Kanada
Vankuver, Kanada
Gjeneva, Zvicër
Frankfurt, Gjermani
Toronto, Kanada
Amsterdam, Holandë
Melburn, Australi
Osaka, Japoni
