Policia Rrugore e Tiranës vijon kontrollet në akse të ndryshme rrugore, me të gjitha mjetet logjistike që ka në dispozicion.
Kontrollet, me qëllim parandalimin e shpejtësisë tej normave të lejuara, ndalimin e drejtuesve të mjeteve që drejtojnë mjetet, nën efektin e alkoolit, në gjendje të dehur ose pa leje drejtimi, atyre që përdorin celularin gjatë drejtimit të mjetit, si dhe të drejtuesve të motomjeteve që drejtojnë motomjetet, pa kaskën mbrojtëse.
Si rezultat i kontrolleve parandaluese, në rrugën “Dervish Hima”, është ndaluar dhe arrestuar në flagrancë shtetasi K. B., 22 vjeç, i cili pas kryerjes së testit me AquilaScan rezultoi se drejtonte mjetin, nën efektin e lëndëve narkotike.
Policia ka shpërndarje pamjet ku tregohet se si realizohet testi antidrogë tek shoferët.
Gjithashtu, gjatë kontrolleve me makinën inteligjente janë evidentuar shpejtësi që arrijnë deri në 200 km/h.
Gjate 24 orëve të fundit janë pezulluar 32 leje drejtimi nga 1 deri në 5 muaj.
Janë ndëshkuar me masë administrative:
184 drejtues mjetesh për përdorim celulari;
167 për mospërdorim të rripit të sigurimit;
156 për shpejtësi mbi normat e lejuara por pa sanksionin e pezullimit të lejes së drejtimit;
133 për parakalime të gabuara dhe mosdhënie përparësie këmbësoreve;
87 drejtues motomjetesh për mosvendosje të kaskës mbrojtese;
drejtues për gara shpejtësie.
Policia Rrugore e Tiranës apelon për të gjithë përdoruesit e rrugës që të respektojnë me rigorozitet rregullat e qarkullimit rrugor dhe fton qytetarët që të denoncojnë në numrin 112 dhe në Komisariatin Dixhital, çdo shkelje të rregullave të qarkullimit rrugor.
