Gjykata e Apelit në Durrës ka vendosur lirim të plotë për Ismail Morinën, i njohur ndryshe si Ballist Morina.
Vendimi u mor këtë të hënë nga gjyqtarja Anita Mici.
Policia arrestoi Ismail Morinën më 25 maj. Pas arrestimit Gjykata e Rrethit Gjyqësor të Durrësit ka vendosur që Morina duhet të vuajë dënimin me 5 muaj e 12 ditë burgim, për veprën penale “Prodhimi dhe mbajtja pa leje e armëve luftarake dhe municioneve”.
Ismal Morinaj, i njohur ndryshe edhe si Ballist Morina u bë i njohur për shkak të dronit që ngriti mbi stadiumin e Beogradit më 14 tetor të vitit 2014.
Droni mbante në të hartën e Shqipërisë etnike, çka bëri që serbët të shpërthenin në stadium dhe ndeshja të anulohej. Shqipëria e fitoi ndeshjen në tavolinë me rezultatin 0-3.
