I dërguari rus në Ukrainë, Dmitry Kozak, njeriu i besuar i Vladimir Putinit, gjatë ditëve të para të luftës do të ishte përpjekur të ndalonte “operacionin special ushtarak” në Moskë, duke arritur një marrëveshje me udhëheqjen e Kievit, e cila parashikonte heqjen dorë nga anëtarësimi në NATO.
Kjo u zbulua, duke cituar “tre persona të afërt me udhëheqjen ruse”, nga agjencia e lajmeve Reuters, sipas së cilës kreu i Kremlinit refuzoi ofertën, duke vazhduar planet e tij për të aneksuar një pjesë të territorit ukrainas.
Sipas Reuters, Kozak me origjinë ukrainase i tha Putinit, se sipas tij marrëveshja e arritur e bëri operacionin ushtarak të padobishëm. Por, pavarësisht se fillimisht i mbështeti negociatat, presidenti rus më vonë i gjykoi të pamjaftueshme koncesionet e Kievit, duke thënë se ai tani kishte zgjeruar planet e tij me qëllimin e aneksimit të pjesëve të territorit ukrainas. Prandaj, marrëveshja u hoq.
Zëdhënësi i Kremlinit, Dmitry Peskov, e mohoi lajmin, duke i thënë vetë Reuters se “kjo nuk ka të bëjë fare me realitetin. Asgjë e tillë nuk ka ndodhur kurrë, është një informacion absolutisht i rremë”.
