Bordi i Transparencës ka vendosur çmimet e reja të tregtimit të karburanteve në vend.
Një litër naftë do të tregtohet me 224 lekë, ose 8 lekë më pak nga vendimi i mëparshëm.
Në të kundër çmimi i benzinës është rritur, duke u tregtuar me 198 lekë për litër, nga 192 lekë që tregtohet prej datës 2 shtator. Çmimi i gazit vijon të mbetet i pandryshuar.
Njoftimi i Bordit
Vendimet e Bordit të Transparencës në datë 15 Shtator 2022, janë si rezultat i lëvizjes së çmimeve në bursën Platts Mediteran.
Si rrjedhojë çmimet e vendosura janë:
-Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 224 lekë/litri, ndërsa i shitjes me shumicë jo më shumë se 212 lekë/litër.
-Çmimi i shitjes me pakicë i nënproduktit benzinë e standardit SSH EN të jetë jo më shumë se 198 lekë/litri, ndërsa i shitjes me shumicë jo më shumë se 186 lekë/litër.
-Çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet.
(Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).
-Çmimet e caktuara nga Bordi do të hynë në fuqi sot datë 15 shtator ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
