Për herë të parë në historinë e tij në politikë, Sali Berisha u ul në krahun e socialistëve në Kuvend dhe për këtë pati një shpjegim.
“Jo rastësisht, për herë të parë, unë prita i ulur në një karrige të deputetëve socialistë.
E bëra këtë me qëllimin më të sinqertë për t’u thënë socialistëve se sot avokat të tyre janë demokratët. Dhe do vazhdoj deri në fund të jemi zëdhënës të qytetarëve shqiptarë pa dallim bindjesh politike.
Në këtë mënyrë, sesi është katandisur ky parlament sot, më shumë se kurrë shqiptarët kanë nevojë për përfaqësim. Sot është koha për veprime.
Këta janë nga mëngjesi në darkë për mashtrime dhe vjedhje. U bëj thirrje të gjithë mësuesve që me guxim dhe kurajë të mbrojnë interesat e tyre”, tha Berisha.
