Popullsia e kafshëve të egra në botë është ulur me më shumë se dy të tretat në vetëm 50 vjet, sipas një raporti shkencor.
Njerëzimi po “humbet luftën” për të shpëtuar natyrën, paralajmëron raporti dyvjeçar i Fondit Botëror të Kafshëve të Egra, ‘Living Planet’.
Studiuesit përdorën të dhënat e Shoqatës Zoologjike të Londrës për statusin e 32.000 popullatave të kafshëve të egra.
Ato përbëjnë më shumë se 5000 lloje dhe zbuloi se madhësia e popullsisë kishte rënë mesatarisht me 69 për qind që nga viti 1970.
Shpyllëzimi, shfrytëzimi njerëzor, ndotja dhe ndryshimet klimatike ishin nxitësit më të mëdhenj të humbjes.
Rënia e shpejtë tregon “se natyra po shpërbëhet dhe bota natyrore po zbrazet”, tha Andrew Terry, drejtor i ruajtjes dhe politikave në Shoqërinë Zoologjike të Londrës.
Cilat pjesë të botës janë goditur më keq nga rënia e specieve?
Popullatat e kafshëve të egra në Amerikën Latine dhe Karaibe u goditën veçanërisht rëndë, duke përjetuar një rënie prej 94 për qind në vetëm pesëdhjetë vjet.
Afrika pati rënien e dytë më të madhe me 66 për qind, e ndjekur nga Azia dhe Paqësori me 55 për qind.
Popullatat e kafshëve të Amerikës së Veriut u ulën me një mesatare prej 20 për qind, ndërsa Evropa dhe Azia Qendrore pësuan një rënie prej 18 për qind.
Disa lloje kanë përjetuar rënie të madhe në periudha të shkurtra kohore.
Për shembull, një popullatë e delfinëve të lumenjve rozë në Amazonën braziliane ra me 65 për qind midis 1994 dhe 2016, thotë raporti.
