Ish-kryeministri i Pakistanit, Imran Khan i ka shpëtuar një atentati gjatë një marshimi protestë që po mbahej në qytetin e Wazirabadit.
Anëtarët e partisë së Khan bëjnë të ditur se ish kreu i qeverisë ka marrë një plagë në këmbë, ndërkohë që ndodhet në spital, jashtë rrezikut për jetën.
Imran Khan ishte duke organizuar një protestë të madhe në kryeqytet për të kërkuar zgjedhje të parakohshme.
Autori i sulmit u vu menjëherë në pranga, dhe u dhunua nga mbështetësit e Khan të cilët e rrethuan që të mos largohej.
Muajin e kaluar, Komisioni Zgjedhor e pezulloi Imran Khan që të mbante poste zyrtare, në një vendim që ish-ylli i kriketit e vlerësoi si të motivuar politikisht.
#BREAKING: Video of gunman who opened fire on container in #Wazirabad, injured @ImranKhanPTI, @ImranIsmailPTI, @FaisalJavedKhan and security guards. Attacker detained by police and can be seen beaten up by #PTI supporters. pic.twitter.com/nzICLzoK60
— Asad Ali Toor (@AsadAToor) November 3, 2022
