Kryeministri Edi Rama ka zhvilluar ditën e sotme një bisedë telefonike me homologun e tij ukrainas, Volodymyr Zelensky.
Biseda mes dy liderëve vjen në kuadër të 30-vjetorit të vendosjes së marrëdhënieve diplomatike mes dy vendeve.
“Patëm një bisedë telefonike me kryeministrin Edi Rama. E urova për 30-vjetorin e marrëdhënieve diplomatike mes dy shteteve tona dhe hapjen e ambasadës shqiptare në Kiev. Diskutuam mbi situatën në front dhe mbi rëndësinë e rritjes së ndihmës për sigurinë e Ukrainës dhe mbështetjes për formulën tonë të paqes”, shkruan në një postim në Twitter presidenti i Ukrainës, Volodymyr Zelensky.
Had a phone call with 🇦🇱 PM @ediramaal. Congratulated on the 30th anniversary of diplomatic relations between our states, noted the opening of 🇦🇱 Embassy in Kyiv. Discussed the situation at the front, the importance of increasing security aid to 🇺🇦 & support for our #PeaceFormula
— Володимир Зеленський (@ZelenskyyUa) January 13, 2023
Një ditë më parë kryeministri Edi Rama dha lajmin për hapjen e ambasadës shqiptare në Kiev ndërsa më herët ministrja punëve të Jashtme Olta Xhaçka njoftoi se Shqipëria do të mbështesë Ukrainën dhe popullin e saj kundër luftës së agresionit të Rusisë.
Ajo theksoi se mirëpret bashkëpunimin në të ardhmen me homologun ukrainas, Dmytro Kuleba.
