Me rastin e festës së “Shën Valentinit”, Luizi kërkoi nga Vëllai i Madh që t’i bëjë një surprizë Kiarës. Gjatë këtyre ditëve ai shkroi një këngë për të, duke shpalosur dhe shprehur të gjitha ndjenjat që ka për Kiarën.
Sot kur kanë kaluar vetëm 24 orë nga publikimi i këngës me titullin ‘Me ty’ në kanalin zyrtar të “Top Channel” në Youtube, ajo ka grumbulluar mbi 2 milion klikime. Dhe të gjitha ‘bio’, jo të blera sicc ndodh rëndom me artistët shqiptarë.
Shifra marramendëse këto për një artist si Luizi, i cili prej kohësh ishte pasiv në karrierën e tij muzikore.
Popullariteti i tij në formatin “Big Brother Vip” duket se do të jetë një ogur i mirë edhe për profesionin e tij si këngëtar, gjë të cilën sapo e vërtetoi edhe projekti “Me ty”.
Muzika e këngës është krijuar nga Elgit Doda dhe prej këngës, kemi shkëputur disa vargje:
“Veç du me t’mbajt në krahë
E me t’thënë sa shumë t’du
T’lutem merri sytë e mi
Shikoje veten ti tek unë
Veç du me t’mbajt në krahë
Du me t’mbajt e me t’shtrëngu
Ta dëgjosh ti zemrën time
Se ka shumë për me tregu”, shprehet Luizi në “Me Ty”.
