Kryetari i PD, Sali Berisha në një deklaratë për mediat ka reaguar për atentatin me tritol ndaj kreut të PD-së në Bashkinë e Vaut të Dejës, Benard Ndrecës, i cili nuk ka pësuar dëmtime.
Kryedemokrati Berisha është shprehur se ky është një akt terrorist shtetëror me të cilin sipas tij, Kryeministri Rama ka hapur fushatën e tij elektorale.
“Sot në mëngjes u krye një akt i rëndë i terrorizimit shtetëror kundër Benard Ndrecës, me qëllim eliminimin e tij fizik. Benard Ndreca është një qytetar shembullor, e tillë është edhe familja e tillë. Terroristë shtetërore, sipas regjistrimit të kamerave kanë vendosur në 1 e 15 minuta të mëngjesit tritolin në makinën e tij. Benardi, tek nisej për në përballet me një eksploziv të tmerrshëm që i shkatërron pjesën e përparme të makinës, por fatmirësisht vetë ai shpëtoi nga ky atenatt i mirfilltë politik. Në këtë akt, Edi Rama inaguron çeljen e fushatës së tij elektorale. Krim të shëmtuar. Bëj përgjegjës direkt Edi Ramën dhe ministrin e familjes Çuçi pasi policia në Vaun e Dejës sillet si një seksion i PS. Të gjitha dyshimet të çojnë se ata janë organizatorët e këtij akti”, tha Berisha.
