Barcelona edhe një herë ka arritur ta mbajë portën e vet të pastër, këtë herë ndaj Atlético Madridit. Historikisht, Barça nuk ka qenë një ekip i përcaktuar nga siguria e saj mbrojtëse, por kjo ka ndryshuar këtë sezon. Skuadra e Xavi, e cila tashmë e ka titullin e La Liga-s fare pranë, është rritur nga paraqitjet e saj të mëdha në mbrojtje. Ky repart ka qenë baza mbi të cilën trajneri ka ndërtuar një skuadër kampione.
Katalanasit kanë arritur ta ruajnë portën e tyre të pastër në 23 nga 30 ndeshjet që ka luajtur në La Liga, një shifër që flet shumë se sa e vështirë është të shënosh kundër tyre këtë sezon. Sigurisht, rekordi është ende larg. Ky ishte numri i ndeshjeve pa pësuar gol që Claudio Bravo nënshkroi në një sezon të tërë.
Me këtë panoramë, një pyetje fillon të duket më pak e largët çdo javë që kalon. A ka kjo Barcelonë mbrojtjen më të mirë të të gjitha kohërave? Si matet kjo? Nëse vërtetojmë se mënyra më e mirë për të peshuar diçka të tillë është numri i golave të pësuar, nuk është marrëzi ta vendosim Barçën ndër më të mirat në histori.
Pas këtij kriteri, mbrojtja më e mirë në ligat e mëdha evropiane ishte ajo e Chelseat të Jose Mourinhos, i cili e përfundoi Premier League 2004-2005 me vetëm 15 gola të pësuar. Me Peter Cech në portë dhe legjenda mbrojtëse si Terry, Gallas, Carvalho apo Ferreira, ajo skuadër shënoi një epokë në ligën angleze.
Prandaj, duke e marrë atë skuadër si referencë, Barça ka në duart e saj për të përputhur ose përmirësuar këtë rekord dhe për t’u bërë, si rrjedhim, skuadra më e mirë mbrojtëse në histori. Për këtë do të duhet të pësojë vetëm gjashtë ose më pak gola në tetë ndeshjet që kanë mbetur për t’u luajtur.
Duke pasur parasysh se deri më sot katalanasit kanë pësuar një gol çdo tri ndeshje (përafërsisht), ata i kanë të gjitha mundësitë për ta bërë këtë. Nëse po, linja e përbërë nga Ter Stegen; Koundé, Araujo, Christensen dhe Balde do t’i gdhendte emrat e tyre në historinë e këtij sporti.
