Ekstremisti grek Babis Karathanos ishte në krye të protestës së zhvilluar të martën para ambasadës shqiptare në Athinë në mbështetje të Fredi Belerit.
Karathanos është i shpallur non grata në Shqipëri për thirrje antishqiptare. Ai u ndalua të hynte në Shqipëri në 2019, për njëvjetorin e vdekjes së Kostandin Kacifas.
Ai është kandidat për deputet me Demokracinë e Re, Mitsotakis. Nuk rezulton në listën fituese, por është shprehur se shpreson të fitojë për të mbrojtur interesat e shtetit grek dhe minoritetit grek në Shqipëri.
Emri i Babis-Harallambos Karathanos është i lidhur me një ngjarje tragjike në jug të vendit. Në prill 1994 sulmohet në mesnatë posta policore kufitare në Gjirokastër dhe për pasojë vriten dy ushtarakë shqiptarë, një oficer dhe një pjesëtar i FA i cili u ekzekutua në vendroje.
Karathanos u arrestua një vit më pas në Greqi, pasi akuzohej nga autoritetet shqiptare si njeriu që hyri në territorin shqiptar bashkë me një grup të armatosur prej shtatë personash të cilët kryen masakrën.
Mes të arrestuarve ishte edhe Fredi Beleri, por të gjithë të ndaluarit u liruan. Ende nuk ka një autor përgjegjës për masakrën e Peshkëpisë të vitit 1994.
