Përfaqësuesi i lartë i BE-së, Josep Borrell, ka reaguar në lidhje me situatën në veri të Kosovës.
Ai shprehet i alarmuar nga kjo situatës si pasojë e arrestimeve të serbëve të Kosovës, marshimit të FSK-së në Mitrovicë dhe nga retorika e Serbisë.
Sipas Borrell, përshkallëzimi po vijon dhe po bëhet i rrezikshëm, por thekson se BE-ja nuk do ta tolerojë.
“Shumë i alarmuar nga situata në veri të Kosovës: arrestimet jashtëgjyqësore të serbëve të Kosovës dhe Forcave të Sigurisë së Kosovës që marshojnë në Mitrovicën e Jugut; e ndjekur nga retorika e rëndë nga Serbia. Pavarësisht takimit të djeshëm, përshkallëzimi vazhdon dhe po bëhet i rrezikshëm. Nuk do ta tolerojmë”, shkruan ai.
Very alarmed by situation in north of Kosovo: extrajudicial arrests of K-Serbs & Kosovo Security Forces marching in South Mitrovica; followed by heavy rhetoric from Serbia.
Despite yesterday's crisis meeting, escalation continues & is becoming dangerous. We will not tolerate it.
— Josep Borrell Fontelles (@JosepBorrellF) June 23, 2023
Paraditen e sotme, 215 ushtarë të Republikës së Kosovës kanë marshuar në jug të Mitrovicës nga kazerma “Minatori” deri në fshatin Frashër, duke u kthyer sërish në bazë. Po, ashtu, Policia e Kosovës arrestoi një serb, i cili dyshohet për përfshirje në sulm të anëtarëve të KFOR-it më herët gjatë protestave. Këto veprime janë parë me shqetësim nga shefi i Politikës së jashtme të BE-së, Josep Borrell.
