Nuk kishte asnjë lajm prej tij prej afro njëqind vitesh. Për të gjithë ishte një shpend tashmë i zhdukur, pasi nuk ishte parë askund.
Por javët e fundit të gushtit takahe, një zog i madh shumëngjyrësh i cili nuk fluturon, është rikthyer për të ripopulluar disa zona të Zelandës së Re, pikërisht në luginën e liqenit Whakatipu Waimaori.
Njihen si takahe, krijesa të pazakonta që datojnë nga epoka parahistorike e Pleistocenit.
Ndër veçoritë e tyre janë pendët blu-jeshile dhe forma e përkryer sferike, e cila i bën të duken si një planet në miniaturë, i vendosur në dy këmbë të kuqe.
Kthimi i tyre në Zelandën e Re ishte një fitore e favorshme për të gjithë. Të shpallur zyrtarisht të zhdukur në vitin 1898, popullsia e tyre u shkatërrua nga ardhja e kërpudhave, maceve dhe minjve, të sjellë nga kolonët europianë.
Për këtë arsye, në vitin 1948, konservatorët mblodhën dhe inkubuan artificialisht vezët, duke mos lejuar që ato të haheshin nga grabitqarët. Pasi çelin, zogjtë rriten dhe ushqehen përpara se të futen në disa vende të shenjta ishullore dhe parqe kombëtare. Që atëherë numri i tyre ka arritur në rreth 500, me një rritje prej 8% në vit.
Nëse futja e tyre në Luginën e Liqenit Whakatipu Waimaori shkon pa komplikime dhe nëse çiftet e lëshuara përshtaten me shtëpinë e tyre të re, hapi tjetër do të jetë lëshimi i shtatë zogjve në tetor dhe dhjetë të tjerë në fillim të vitit të ardhshëm.
Një operacion jo i lehtë, por stimulues, i cili është pjesë e një projekti shumë të madh për mbrojtjen e shpendëve të rrezikuar. Zelanda e Re po përpiqet të eliminojë të gjithë grabitqarët e rrezikshëm, si minjtë apo kërpudhat deri në vitin 2050.
