Dy oficerë policie mbetën të plagosur në një sulm vetëvrasës me bombë para Ministrisë së Brendshme në kryeqytetin turk, Ankara. Ata janë jashtë rrezikut për jetën.
Ministri i Brendshwm Ali Yerlikaya tha në një postim në rrjetet sociale se dy sulmues ishin përgjegjës për shpërthimin.
Presidenti i Turqisë, Rexhep Tajip Erdogan, deklaroi se “terroristët” nuk do t’i arrijnë kurrë qëllimet e tyre në Turqi në fjalimin e tij në parlamentin turk.
Ai foli gjatë seancës së parë të parlamentit turk pas një pauze gati tre mujore.
“Akti i sotëm terrorist në Ankara, në të cilin dy kriminelë u neutralizuan falë ndërhyrjes në kohë të policisë, është valëvitja e fundit e terrorizmit”, u shpreh Erdogan. “Terroristët që përpiqen të shkatërrojnë paqen dhe sigurinë e qytetarëve nuk do të kenë kurrë sukses”.
Ai shtoi se barra e futjes së moralit te grupet “terroriste” me kalkulime politike do të jetë shumë e rëndë.
NEW: Ankara attack footage from this morning. #Turkey pic.twitter.com/CshYPAB64H
— Ragıp Soylu (@ragipsoylu) October 1, 2023
Ministri turk i Drejtësisë Yilmaz Tunc thotë se një hetim gjyqësor është nisur nga Zyra e Kryeprokurorit Publik të Ankarasë për “sulmin e pabesë”.
“Nën koordinimin e Zëvendës Kryeprokurorit Publik të caktuar për incidentin, hetimi do të vazhdojë në mënyrë gjithëpërfshirëse në të gjitha aspektet”, tha Tunc në rrjetet sociale.
Ai gjithashtu dënoi sulmin, duke u uruar shërim të shpejtë policëve të plagosur.
Ministri i Jashtëm turk Hakan Fidan ka thënë se sulmi në Ankara nuk do të ndalojë vendosmërinë e qeverisë për të luftuar kundër “terrorizmit”.
“I uroj shërim të shpejtë policëve tanë heroikë që u plagosën në këtë sulm të ndyrë dhe i përcjell urimet më të mira personelit të Ministrisë sonë të Brendshme”, shkruan kryediplomati në platformën “X”. “Ne do të vazhdojmë luftën tonë kundër terrorizmit me vendosmëri brenda dhe jashtë vendit”.
Askush nuk e ka marrë përsipër sulmin.
Ankaraja ka qenë skenë e disa sulmeve, veçanërisht në vitet 2015 dhe 2016.
Shumë prej tyre u pretenduan nga grupi i jashtëligjshëm separatist, Partia e Punëtorëve të Kurdistanit (PKK) ose ISIL (ISIS).
PKK-ja, e cila ka zhvilluar një rebelim të armatosur kundër shtetit turk që nga viti 1984, është në listën e zezë si një grup “terrorist” nga Ankaraja dhe aleatët e saj perëndimorë.
Në tetor 2015, një sulm nga ISIL përballë një stacioni qendror në Ankara vrau 109 persona.
Një zyrtar i lartë turk i ka thënë agjencisë “Reuters” se sulmuesit rrëmbyen një automjet dhe vranë shoferin e saj në Kayseri, një qytet 260 kilometra në juglindje të Ankarasë, përpara se të kryenin sulmin.
Një nga oficerët e plagosur ka pësuar lëndime nga predha, thuhet se shtoi ai.
Kryeministri Edi Rama e ka dënuar “me forcë” sulmin në Ankara, duke thënë se “ai duhet të ndihmojë shumë në Evropë që të kuptojnë dhe mbështesin më mirë Turqinë në luftën e saj kundër terrorizmit”.
“I pikëlluar kur dëgjova për sulmet terroriste në Ankara, Turqi, por u lehtësova kur mësova se dëmi i synuar kryesisht u shmang nga institucionet turke”, tha kryeministri i Kosovës, Albin Kurti.
