Reshjet e dendura të shiut, të shoqëruara me erë të fortë kanë shkaktuar dëme të mëdha mbrëmjen e kaluar në qytetin e Librazhdit.
Për shkak të erës, u dëmtuan dhe linjat e transmetimit me energji, për këtë arsye shumë fshatra e kaluan natën në errësirë.
Gjithashtu, për disa orë, mbrëmjen e kaluar u bllokua dhe aksi rrugor Librazhd-Elbasan, në zonën e Kthesave të Murrashit.
Masivë gurësh dhe dherash ranë në rrugë, duke pezulluar qarkullimin e mjeteve për disa orë, por fatmirësisht nuk pati të lënduar.
Kanë qenë vetë drejtuesit e mjeteve të bllokuara, ata që me duar dhe litarë janë përpjekur të hapin rrugën të paktën me një kalim.
