Një festë me muzikë të lartë pas mesnate u bë shkak për të shtëna me armë zjarri mbrëmjen e shkuar në Shkodër. Ngjarja ndodhi rreth orës 12:30.
Protagonist ishte një 70-vjeçar, i cili i bezdisur nga zhurma e lokalit poshtë shtëpisë së tij zbriti me armë gjahu me vete.
Pasi debatoi me dikë hapi zjarr në drejtim të një makine të parkuar.
Pasi qëlloi me armë, i moshuari u ngjit lart në shtëpi. Nga aty kundërshtoi oficerët e policisë që u njoftuan pas të shtënave. Rezistenca e 70-vjeçarit zgjati deri në orën 02:00. Më pas ai u shoqërua nga oficerët e policisë.
Fatmirësisht nga ngjarja nuk pati njerëz të lënduar.
