Aktori Elvis Pupa ka bërë një thirrje publike për të gjithë banorët e Big Brother, edhe pse ata me gjasë do ta dëgjojnë kur të dalin nga shtëpia e Big Brother. Pupa shprehet se është e papranueshme niveli i agresivitetit brenda shtëpisë, dhe sipas tij shumica aty kanë ngatërruar formatin e lojës, dhe nuk e kanë kuptuar që janë banorë dhe jo aktorë.
Edhe pse në këtë pikë sipas tij lënë shumë për të dëshiruar, pasi disa prej tyre që e kanë profesion, harrojnë tekstet në skenë.
“Kur janë mbledhur këta burrat për të krijuar Big Brotherin, e kanë quajtur reality show për një arsye që ti të sfidosh veten dhe të japësh më të mirën tënde. Nuk jeni lojtarë, jeni banorë. Luani me fytyrën tuaj. Nuk luhet 60 e ca ditë me fytyrën tuaj. Në kuadër të lojës ju… aktrimin lejeni për në skenë, ju kemi parë dhe aty, që me zor thoni tekstet.
Silluni mirë, se adoleshentët ju shohin ju dhe bullizojnë njëri-tjetrin për një llaf goje. Kini kujdes se jeni influencues, se ata të rinj zihen me thika dhe vrasin njëri-tjetrin, dhe nuk iu kthehen më nënës dhe babës në shtëpi. Është e turpshme dhe e frikshme se çfarë bën një njeri për vëmendje”, shprehet Vis Pupa në videon e tij në rrjetet sociale.
