Simboli i gjysmëhënës me yllin, të pranishëm në disa flamuj të shteteve islame, daton para lindjes së Islamit, që në shekullin e IV para Krishtit.
Origjina – Historia e origjinës së gjysmëhënës nuk dihet saktë. Por ajo që është e sigurtë, është që gjysmëhëna e kuqe ishte një simbol i përdorur nga persët dhe bizantinët dhe nga këta popuj u kaloi drejtpërdrejt turqve të dinastisë selxhuke të shekullit XI-XIV dhe më pas osmanëve. Më pas, përmes osmanëve, gjysmëhëna mbërriti pothuajse e pandryshuar në flamurin e Turqisë së sotme.
Të shpëtuar nga hëna– Megjithatë, origjina e simbolit gjurmohet në një episod të veçantë që ndodhi në shekullin e IV para Krishtit, kur Bizanti, Kostandinopoja e ardhshme, u shpëtua nga rrethimi i Filipit II të Maqedonisë falë gjysmëhënës në qiell, e cila ndriçoi sulmuesit.
Muhamedi– Gjysmëhëna sigurisht që i paraprin lindjes së Islamit, sepse komunitetet e para myslimane nuk kishin simbole në banderolat e tyre. Ushtritë e famshme islame, të përbëra nga 10 mijë luftëtarë, në kohën e profetit Muhamed (570-632), kur pushtuan Mekën në Arabinë Saudite, vetëm valëvitnin flamuj me ngjyra të zinj, jeshil ose të bardhë për t’u dalluar.
