Monika Kryemadhi e mbylli me nota të larta emocionale konferencën për media të thërritur për të komentuar hetimin ndaj saj dhe arrestimin e ish-bashkëshortit, Ilir Meta.
“E kam dashur dhe e dua Ilir Metën”, tha Kryemadhi.
“Çdo gjë e kam menduar, por divorcin nuk e kisha menduar kurrë. Mund të kisha krim pasioni me Ilir Metën, por divorcin nuk e kam menduar kurrë”.
“Nuk ka rëndësi çfarë bën Ilir Meta. Ai është babai i fëmijëve të mi. Është njeriu që më ka bërë kjo që jam, më ka lënë të jem gjithmonë e lirë, e drejtpërdrejtë dhe impulsive, edhe pse me kosto. Por kur një gjë mbaron, mbaron, nuk e mban dot me zor”.
E pyetur nëse do të rikthehej me Metën, Kryemadhi tha: “Mendoj që prioritetet e një gruaje si puna ime janë fëmijët. Ndoshta në një moshë të re mund ta vrisja veten për Ilir Metën, si Romeo me Xhuljetën, por tani e vras veten vetëm për fëmijët e mi”.
