7 persona kanë mbetur të plagosur në një aksident të ndodhur në aksin rrugor Maliq – Pojan, mëngjesin e së dielës. Aksidenti që ka ndodhur në kryqëzimin e fshatit Pendavinj.
Një mjet me targa greke ka qenë duke udhëtuar nga Maliqi drejt Pojanit ndërsa një mjet fugon mallrash ka qenë duke udhëtuar nga Pojani në drejtim të Maliqit, mjete të cilat janë përplasur kokë me kokë duke lënë të plagosur 7 persona.
Burime nga spitali rajonal i Korçës bëjnë me dije se njëri nga të plagosurit ndodhen në gjendje të rëndë në reaminacion ndërsa 6 të plagosurit e tjerë ndodhen në këtë spital jashtë rrezikut për jetën
Policia po heton për shkaqet e aksidentit, ndërsa dyshohet se njëri nga mjetet nuk ka respektuar sinjalistiken rrugore në një kryqëzim të tillë.
