Ndeshja e Serie A Fiorentina-Inter është ndërprerë në pjesën e parë pasi futbollisti 22-vjeçar i vendasve Edoardo Bove ra pa ndjenja në fushën e lojës.
Ai ishte ulur për të lidhur këpucët, ndërsa menjëherë sapo ka tentuar të ngrihet ka humbur ndjenjat.
Mjekët e të dyja skuadrave janë futur me shpejtësi në fushë për t’i dhënë ndihmën e parë, ndërsa më pas ai është nisur me urgjencë drejt spitalit.
Lojtarët e të dy skuadrave ishin me lot në sy nga skena surreale.
Gjendja shëndetësore e futbollistit 22-vjeçar ende nuk dihet, ndërsa ndeshja është shtyrë.
