Manchester United fitoi derbin ndaj Manchester City-t, me rezultatin 2-1, në sfidën e vlefshme për javën e 16-të në Premier League.
“Qytetarët” ishin shumë afër fitores, por u përmbysën vetëm në minutat e fundit. Gvardiol i dha avantazhin City-t në minutën e 36-të, të cilin e ruajtën deri në minutën e 88-të.
Ishte Bruno Fernandes, i cili barazoi shifrat në minutën e 88-të me penallti, ndërsa dy minuta më vonë Diallo përmbysi rezultatin, duke i dhënë fitoren skuadrës së Amorim.
Me këtë rezultat, Manchester City mban vendin e pestë me 27 pikë, ndërsa United renditet në vendin e 12-të me 22 pikë.
