Agjencia Kombëtare e Mbrojtjes Civile njofton se bazuar në raportimet nga IGJEO dhe Shërbimi Meteorologjik Ushtarak (SHMU), të dielën e 12 Janar, priten reshje intensive kryesisht në 6 qarqe: Vlorë, Gjirokastër, Dibër, Durrës, Tiranë dhe Korçë.
Ndërkohë në zonat malore mbi 300 metra priten reshje dëbore.
“Reshjet mund të shoqërohen me shtrëngata dhe ulje temperaturash, duke krijuar mundësi për ngrica dhe vështirësi në transport”, thuhet në njoftimin e AKMC-së.
Agjencia Kombëtare e Mbrojtjes Civile u kërkon strukturave vendore dhe qendrore të jenë në gatishmëri për çdo situatë dhe të marrin masa për menaxhimin e reshjeve.
Ndërkohë qytetarëve u rekomandohet të tregojnë kujdes të shtuar në lëvizje dhe të ndjekin njoftimet zyrtare.
Për shkak të përkeqësimit të motit, të dielën janë pezulluar edhe lundrimet e trageteve në linjat Durrës-Bari dhe anasjelltas.
