Antidroga italiane ekzekutoi sot operacionin antidrogë të koduar “Sfizio” i cili çoi në shkatërrimin e një grupi kriminal që trafikonte drogë mes Shqipërisë e Italisë e kryesisht në territorin e provincave të Emilia Romanjës, Abruzos, Kalabrisë dhe Mesinës.
Në pranga janë vënë 9 persona 7 italianë e 2 shqiptarë.
Ky grup trafikantësh e kishte bazën në Messina e drejtohej nga një familje siciliane (babai me dy djemtë me inicialet M.A, M.M.A, M.F).
Hetimet kanë zbardhur se ky grup kriminal furnizohej me marijuanë nga trafikantë shqiptarë e abruzesë e më pas me anë të korrierëve të besuar e transportonin drejt Siçilisë.
Gjatë hetimeve Policia italiane ka mundur të sekuestrojë disa ngarkesa droge me sasi 55 kg marijuanë secila e ka vënë në pranga dy korrierë R.G, B.M të cilët me automjetet e tyre transportonin lëndën narkotike.
Droga pasi mbërrinte në Mesina, shpërndahej tek korrierët e vegjël lokalë.
Gjatë operacionit “Sfizio”, autoritetet italiane kanë kryer kontrolle banesash e personash në të gjithë Italinë.
9 personat e arrestuar akuzohen për trafik droge e organizim kriminal me aktivitet trafik lëndësh narkotike.
