Tragjedi në Pogradec, ku dy persona kanë humbur jetën pasi janë mbytur në rezervuarin e fshatit Alarup.
Të mbyturat janë nënë e bijë, banore të fshatit. Burime nga vendi i ngjarjes pohojnë se nëna dhe vajza kanë qenë duke punuar në arë.
Vajza që mendohet të jetë 9 ose 10 vjeç, ka rënë aksidentalisht në rezervuar.
Menjëherë nëna e vajzës është futur pas saj ta shpëtojë, por nuk ka mundur, duke humbur jetën bashkë me vajzën.
Policia ndodhet në vendngjarje dhe po punon për sqarimin e plotë të ngjarjes.
