Një video e publikuar në rrjetet sociale, ku shfaqej ish-trajneri i Laçit U17, duke ofenduar lojtarët e tij dhe duke i goditur, ka bërë që Policia e Kurbinit të reagojë. Ditën e sotme, Ndue Tarazhi, është shoqëruar në rajonin e Policisë.
Trajneri i njohur në zonën e Kurbinit duhet të sqarojë atë që ka ndodhur. Mbetet të shihet se çfarë do të ndodhë më tej. Ngjarja e ndodhur është e disa kohëve më parë, por Policia e vënë nën presionin e mediave ka vendosur të reagojë.
“Ti, mirë je? Po ti, mirë je dhe ti? Po ti, ku je? Ata bënë dy gola dhe i bënë për fajin tënd. Po ti, do me lujt futboll, do me lujt në Greqi. Pis pisi. S’ju vje turp, maskarenj. Palaço. Doni me lujt futboll me Laçin. Palaço. Zagarë. A ju thashë të hyni me mentalitet fituesi? Si ua bëjnë golin ju të dyve? Asnjëri nuk i turret topit. A ju kam thënë të bëni regjimin ditor? Nuk keni fjetur gjithë natën, rrini nëpër televizor, nuk ju vjen turp. Me ju mund ata, mër pisa. Nuk kam çfarë ju them, në daç fitoni, në daç humbni. Pisa. Ju jeni pisa. Dy gola ty t’i kanë bërë. Të dy. Ti i ke ngrënë, në duel shpejtësie. Nuk ju vjen turp. Në duel shpejtësie. Çfarë ke që sheh? Ulu aty, se ta marr shpirtin”, dëgjohet të thotë trajneri.
