Në Gjykatën e Durrësit u dha këtë të martë masa e sigurisë për 9 personat e arrestuar, të akuzuar si përgjegjës për shembjen e disa ndërtesave në këtë qytet në tërmetin e 26 Nëntorit.
Ndaj tyre rëndojnë akuzat vrasje me dashje, vrasje në rrethana të tjera cilësuese, shpërdorim të detyrës dhe falsifikim të dokumenteve.
Para gjykatës kanë dalë sot shefi i shërbimeve të Kavalishencës, Kujtima Hasa dhe drejtori Ahmet Doda, ndërtuesi i hotel Mira Mare, Rruzhdi Xheka, ndërtuesi i Hotel Tropikal, Avdulla Osmani, ish-drejtori i ALUIZNI-t në Durrës Arben Isaku, inspektori Klajdi Lame dhe specialistët Albrend Qetka dhe Defrim Celami, si dhe Nevjana Isufi, e cila me studion e saj private dyshohet se hartonte projekte fiktive.
Në kërkim janë 7 persona të tjerë.
