Presidenti i Serbisë, Aleksandër Vuçiç deklaroi se qeveria e Serbisë do të miratojë ditët në vijim një vendim për t’i ardhur në ndihmë familjeve të prekura nga tërmeti i tmerrshëm i 26 nëntorit.
Gjatë fjalës së tij në takimin e “Mini-Shengenit” në Tiranë, Vuçiç ka deklaruar se qeverisë e Serbisë do të jetë një ndër donatorët më të rëndësishëm që do i vij në ndihmë Shqipërisë për zonat e prekura nga tërmeti.
“Qeveria e Serbisë do marrë të hënën një vendim për të ndihmuar me një vlerë domethënëse parash Shqipërinë dhe besoj se do jemi një nga 2-3 apo 4 donatorët më të mëdhenj për Durrësin, Thumanën e zonat e tjera në Shqipëri”, tha Vuçiç.
