Një aksident me pasojë vdekjen ka ndodhur në natë më parë në Vlorë. Dje policia njoftoi se viktimë ka mbetur 23-vjeçarja Anxhela Çapo.
Në një njoftim për mediat autoritetet njoftojnë se Çapo ka qenë pasagjere dhe mjeti drejtohej nga 22-vjeçarja Silvana Muho.
“Në vijim të informacionit paraprak të dhënë mbrëmjen e djeshme, në lidhje me aksidentin rrugor të ndodhur në autostradën Vlorë-Fier, nga veprimet hetimore ka rezultuar se në drejtim të mjetit nuk ka qenë shtetasja A. Ç., 23 vjeçe, e cila ka ndërruar jetë në vendngjarje, por ka qenë shtetasja S. M., 22 vjeçe”, sqaron Policia.
Ndërkohë mësohet se Muho tashmë është arrestuar për veprën penale “Shkelja e rregullave të qarkullimit rrugor”.
Nga ana tjetër blutë e Vlorës bëjnë me dije se kanë arrestuar dhe në 19-vjeçar, i cili 2 ditë më parë duke drejtuar automjetin e markës “BMW” është përplasur me automjetin e markës “Benz”, dhe si pasojë ka ndërruar jetë në vendngjarje drejtuesi i automjetit “Benz”, N. M., 53 vjeç.
