Drejtoresha e Qendrës Kombëtare të Librit dhe Leximit, Alda Bardhi, është e para që nisi serinë e videove të bëra publike nga Bukinist, ku personazhe të njohur sugjerojnë librat që kanë ndikuar në jetën e tyre, si një ftesë e mirë për gjithë lexuesit gjatë ditëve të Panairit të 23 të Librit online.
E pyetur se cilët janë tre librat që kanë ndikuar në jetën e saj Bardhyli, thotë se zgjedh tre libra me të cilët dialogon shpesh.
“Libri i parë që do të zgjidhja është komedia “Ëndrra e një nate vere” e Shekspirit. Një libër që do të shpaloste herët jetën si një skenë para meje, e do të më mësonte të zgjidhja rolin e duhur. Shekspiri mbetet një mësues i madh”, tha Bardhyli.
Libri i dytë që ajo zgjodhi ishte “Odiseja”, Homeri duke e argumentuar me fjalët, se “Kthimi në shtëpi mbetet filozofia e jetës”.
Ndërsa libri i tretë është “Klarisa Dalloëay nga Virginia Wolf. “Wolf është një autore që e çmoj shumë, feministe, me ndikim ende sot, por personazhi i Klarisës më rivjen shpesh në kujtesë e veshur me atë fustanin e gjatë, me një tufë luledele në dorë, duke ecur e biseduar me një burrë që dikur e ka dashur, në rrugët e Londrës. Të kapurit fort tek kujtimet, te gjërat e bukura që kanë lënë ndjesi të pashlyeshme në jetën tonë, është e rëndësishme.
Po cilët janë dy librat e vitit 2020 të cilat ajo sugjeron: “Letërkëmbimi Camaj –Pipa” dhe biografia e Virginia Wolf, “Flush”.
