Antonio Conte u ka thënë shefave të transferimeve të Chelsea për të shkuar të gjithë jashtë dhe për të siguruar Alex Sandro dhe Leonardo Bonucci nga Juventusi, me një kosto të kombinuar prej rreth 100 milionë paundë (£).
Për 26-vjeçarin Alex Sandro, Chelsea do të bëjë një ofertë prej 55.2 milionë £ dhe tashmë i ka thënë lojtarit se ai do të fitojë më shumë para nëse pajtohet të shkojë në “Stamford Bridge”. Megjithatë, Juventusi është i gatshëm të bëjë gjithçka që mundet për t’iu rezistuar kampionëve të Premier League, ndaj janë duke i ofruar 26-vjeçarit një kontratë deri në vitin 2022, me një ngritje page.
Trajneri Massimiliano Allegri nuk dëshiron ta shesë lojtarin e krahut, por Chelsea beson se mund ta tundojë me një ofertë të madhe.
Juventusi është më i hapur për të lënë të lirë Bonuccin, të cilin Conte është po aq i prirur për ta sjellë në vijën e prapme të bluve të Londrës. Ish-drejtuesi i bardhezinjve dëshiron që Chelsea të bëjë një ofertë të madhe për qendërmbrojtësin 30-vjeçar dhe Juve është gati ta marrë në konsideratë një shitje, nëse çmimi është i mirë.
Bonucci kohët e fundit mohoi një përplasje me Paulo Dybala në pjesën e dytë të finales së Ligës së Kampionëve, por marrëdhënia e tij njihet si e tendosur me Allegrin.
Chelsea ende duhet të ofrojë një ofertë për Bonucci, edhe pse është më i vjetër se profili normal i lojtarit që klubi pëlqen të nënshkruajë, por Conte i ka bërë qëllimet e tij të qarta në bord pasi, ka rënë dakord verbalisht për të qëndruar deri në vitin 2021, me një rritje page për vete.
