Menjëherë pasi BE bëri apel që palët politike të dialogojnë në të mirë të vendit, nëpërmjet një postimi në Twitter, ka reaguar edhe Edi Rama.
Ai shkruan se është plotësisht dakord me delegacionin e BE-së dhe se është i gatshëm që të dialogojë për reformën zgjedhore.
“Plotësisht dakord me delegacionin e BE: Koha që palët të dialogojnë! Reforma Zgjedhore, vota e emigrantëve, votimi/numërimi elektronik, penalitetet e reja për shitblerjen e votës,duhet të na bëjnë bashkë. Kush iku nga Kuvendi, ka ende vend në tryezën e reformës me status të barabartë!”, shkruan shefi i qeverisë.
