Një mësues në një shkollë 9-vjeçare në Korçë është arrestuar nga policia pasi dyshohet se ka ngacmuar seksualisht dy nxënëse 14-vjeçare të shkollës.
Mësuesi 45-vjeçar me iniciale B.D., sipas policisë, dyshohet se i ngacmoi nxënëset nëpërmjet aplikacionit “WhatsApp”.
Në cilësinë e provës materiale u sekuestruan celularët e dy nxënëseve në kuadër të hetimeve.
“Komisariati i Policisë Korçë arrestoi në flagrancë shtetasin B. D., 45 vjeç, banues në Korçë, me detyrë mësues në një shkollë 9-vjeçare, pasi dyshohet se ka ngacmuar seksualisht, nëpërmjet aplikacionit “WhatsApp”, dy 14-vjeçare, nxënëse të shkollës. Në cilësinë e provës materiale u sekuestruan celularët e këtyre shtetasve”, njoftoi policia.
