Orgazma është diçka që nuk përjetohet dhe nuk arrihet tek të gjithë njerëzit njësoj.
Një pozicion mund të stimulojë më shumë dikë, ndërkohë i njëjti pozicion nuk stimulon aspak dikë tjetër.
Ama, mund të ketë raste që marrëdhënia intime të jetë e mirë, e kënaqshme, por e keni të pamundur për të arritur në orgazmë. Pse ndodh kjo?
Arsyet do t’ua themi më poshtë.
1- Nuk ka mjaftueshëm “lojëra paraprake”
Shumë e thjeshtë: partneri i ka vënë qëllim vetes të bëjë seks me ju dhe lë pas dore lojërat paraprake për ta “ndezur” situatën. Kështu, ju nuk keni marrë mjaftueshëm stimul për të arritur pikun e kënaqësisë seksuale.
2- Mund të jeni “të fikur”
E gjitha ndodh në mendjen tonë! Kjo vlen edhe për marrëdhënien seksuale. Nëse jeni të shpërqendruar për 1001 probleme të tjera, e keni të pamundur të fokusoheni për të marrë maksimumin e kënaqësisë seksuale… e detyrimisht e keni të pamundur për të arritur orgazmën.
3- Nuk ka mjaftueshëm stimulim klitorial
Tek femrat, klitori është zona më e rëndësishme e trupit tuaj gjatë seksit. E nëse stimulimi në këtë zonë është minimal, sigurisht që koha për të arritur një orgazmë do të jetë më e madhe se rastet kur stimulimi është më i madh.
4- Keni harruar të urinoni fillimisht
Kur jeni në kulmin e marrëdhënies intime, dhe jeni gati për të arritur orgazmë por njëkohësisht ju ka ardhur edhe urina, ju do të sforconi veten dhe si rrjedhojë do ta privoni veten nga orgazma. Prandaj përdorni njëherë tualetin e më pas filloni aktin seksual.
5- Mund të vuani nga “anorgasmia”
“Anorgasmia” – kështu quhet paaftësia për të arritur orgazmën. Një një studim mbi ç’rregullimet seksuale të femrave thuhet se 24% e vajzave vuajnë nga “anorgasmia” apo thjeshtë: paaftësia për të arritur në orgazmë. Prandaj konsultohuni vazhdimisht me gjinekologun tuaj për të parë se ç’mund të bëni nëse vuani nga diçka e tillë.
