Marka më e njohur e makinave gjermane vjen nga Ingolstadt: sipas renditjes së re të makinave të kompanisë së kërkimit të tregut YouGov, Audi del në krye me një rezultat prej 23.7 pikësh.
Në vendin e dytë është prodhuesi premium Mercedes-Benz me 23.4 pikë. Volkswagen, i cili aktualisht po vuan nga biznesi i keq, është në vendin e tretë me 22.6 pikë, madje përpara BMW, e cila është në vendin e 4-të me 22.4 pikë.
Megjithatë duhet theksuar se katër vendet e para, ndahen nga shumë pak pikë nga njëra-tjetra.
Vetëm nga vendi i pestë vjen prodhuesi i huaj Skoda, i cili megjithatë i përket grupit Volkswagen. Pasohet nga Toyota në vendin e 6-të dhe Volvo në vendin e 7-të është një tjetër prodhues gjerman në vendin e tetë, Porsche. Dhjetëshen e parë e përfundojnë Opel dhe Ford shkruan portali gjerman Chip.
Meshkujt preferojnë Audi-n, ndërsa femrat preferojnë më shumë Volkswagen-in.
Gjermanët e moshuar zgjedhin Mercedes-Benz si fitues të renditjes, ndërsa Audi mbetet marka numër një për gjeneratën e mesme.
Për renditjen, studiuesit e tregut përdorën intervista në internet që janë përfaqësuese të popullsisë gjermane të moshës 18 vjeç e lart. Kjo përfshinte gjashtë dimensione vlerësimi: përshtypjen e përgjithshme, cilësinë, vlerën për paranë, kënaqësinë e klientit, si dhe gatishmërinë për të rekomanduar dhe imazhin e punëdhënësit. Duheshin dorëzuar të paktën 300 komente për markë.
