Vaksina e AstraZeneca ishte në qendër të vëmendjes globale në javët e fundit dhe mendohet se për këtë arsye drejtuesit e kompanisë kanë vendosur t’i ndryshojnë emrin. Tashmë, ajo do të njihet si “Vaxzevria”.
Ndryshimi i emrit është miratuar nga Agjencia Europiane e Barnave më 25 mars, pas një kërkese të grupit farmaceutik anglo-suedez.
Lajmi është publikuar dhe në faqen zyrtare të EMA e cila shpalos dhe broshurën e vaksinës, ku shihet se mes efekteve anësore është listuar dhe rastet e rralla të trombozës.
Vaksina e AstraZeneca përbëhet nga një virus tjetër, i familjes adenovirus, që është modifikuar për të përmbajtur gjenin për prodhimin e një proteine nga SARS-CoV-2.
