U zgjua mëngjesin e Krishtlindjeve dhe vrapoi me padurim për tek pema që të hapte dhuratat.
Por, pakoje pas pakoje, kuptoi se Babagjyshi nuk kishte bërë një punë të mirë: nuk i kishte sjellë asnjë nga dhuratat që ai kishte kërkuar.
9-vjeçari nga Gjermania vendosi atëherë të ‘marrë masa’ dhe telefonoi policinë.
Ngjarja ndodhi në qytetin gjerman të Zetel. Agjentët e policisë vijnë në shtëpinë e fëmijëve, duke ‘luajtur rolin’, teksa përfituan nga një ditë e qetë.
“Policët erdhën dhe gjetën një fëmijë shumë të zemëruar”, tha zëdhënësi i policisë vendase, sipas shkrimit të gazetës “Nordwest Zeitung”.
Agjentët vendosën të ‘luanin rolin’ dhe ‘ekzaminuan’ listën e dhuratave të fëmijës, duke e krahasuar me dhuratat që kishte marrë.
Në fund, policët dolën në një konkluzion dhe iu përgjigjën fëmijës: Babagjyshi bëri gabim, ka ngatërruar listën tënde me atë të një fëmije tjetër.
Nuk dimë nëse zgjidhja e propozuar nga policët do shërbejë për të qetësuar sadopak fëmijën, por me siguri e ndërgjegjësoi atë për diçka që nuk e dinte: edhe Babagjyshi mund të gabojë.
